daskor - facebook  daskor - css

Daskor

Lakaet hon eus e lizherennoù stouet pezh a gaver en dornskrid hepken.

    e kañv eus va mab

E-kreiz da yaouankiz falc’het gant ar Marv,
    Roet ganit da vuhez ’vit ar Vro,

    Kousk, kousk, paotr Breizh, soudard dispar,
Gra da ziskuizh en ez kwele douar ;
    Kousk, soudardig Breizh-Izel,
Luskellet gant mouezh spontus ar brezel !

Gouelet a vo dourek du-se pa ’n em gavo
    Gant ar re gozh keloù kriz da varv.

    Kousk, kousk, paotr Breizh…

Goude seizh miz hanter a drubuilh hag a boan,
    Te zo kouezhet kalonek ha dizoan…

Kouezhet ’fas d’ar Voched, ’vit diskouez d’ar re all
    Penaos e varv ur Breizhad ’vit Bro-C’hall…
Douar santel ar Frañs a ziwall da viken
    Bugelig Breizh lazhet ’vit e zifenn…

Kroaz enor ar brezel a luc’h war e c’horre
    Gant bleunioù fresk hag ur bodig lore…

Hag an emgann euzhus a lazh bemdez tud all,
    Avel ar stourm a dremen ’n ur yudal…

    Kousk, kousk, paotr Breizh…

Met un devezh da zont ’vo klevet war da vez
    Laboused Frañs gant sonigoù nevez :

    Kousk, kousk, paotr Breizh, soudard dispar,
Gra da ziskuizh en ez kwele douar ;
    Kousk, soudardig Breizh-Izel,
Luskellet gant mouezh ar Frañs divarvel ;

Mouezh an trec’h ’vo klevet o sevel ’us d’ar Vro,
    Brall ar c’hleier o kanañ tro-war-dro…

Forzh soudarded d’ar gêr a zistroio laouen,
    Te ’gousko don ’n ur gwele pri-melen…

Biken gouzout na ri, hader dizan’vezet,
    Blaz ar frouezh aour gant da wad gounezet…

Met ur frealz ’vo dit, e-kreiz noz an ankoua,
    Klevout ar Frañs o tridal gant ar joa…

    Kousk, kousk, paotr Breizh…

Ha, ma teu pell du-hont daou zen kozh reuzeudik
    Da zisec’hañ gant ar c’heuz d’o mabig.

    Kousk, kousk, paotr Breizh, soudard dispar,
Gra da ziskuizh en ez kwele douar ;
    Kousk, soudardig Breizh-Izel,
Er Baradoz e kavfont o bugel.