ar Paourkaezh Lazar

Genre
Poésie
Langue
Breton
Source
Guingamp, P. Le Goffic, 1865
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

graet gant un den nevez-zistro eus ar bed all 

war don : Maout ar Goff ha maout ar Gall 

War ma feiz ! ma mignoned, 
Divalav ’on bet gwasket. 
Soñjal a raen, e taol-mañ, 
E rankjen lipat ma loa. 

DISKAN :
 Tra, la, tra, la, tra, la, la ! (bis) 

An Ankoù, an douilhez kriz, 
Evit ma stlejañ, ganti, 
E bro teñval ar goued*,    [gozed] 
Kalz, kalz, he deus c’hoariet. 

 DISKAN: Tra, la… 

Na ’velkent, ouzh he skilfoù, 
’Meus sachet ma relegoù ; 
Met, pell, a vo kizellet 
Warnon he fav milliget. 

 DISKAN: Tra, la… 

Ma divjod a zo melen 
Evel ur c’hozh anduilhenn, 
Ma lagad hanter varv, 
Treut ’on ’vel ur sac’h tachoù. 

 DISKAN: Tra, la… 

Ma chouk a zo daoubleget, 
Ma fri ’neus un troadad hed, 
Teuzet krak eo ma c’hof-gar, 
Ha krenañ ’ra ma divc’har. 

 DISKAN: Tra, la… 

Evel ur paour mac’hagnet, 
War un tammig bazh harpet, 
Er parkoù, en em stlejan 
’Vel ar c’hizhier da heoliañ. 

 DISKAN: Tra, la… 

Ret ez eo din, krenn, kuitaat 
Kement seurt a gaven mat, 
Hag un dra washoc’h – ouzhpenn, 
Karout pezh a gasaen. 

 DISKAN: Tra, la… 

Karout a raen ar bevin, 
Un tamm maout, ur c’har boñsin*,    [pe kig-yer] 
Bremañ ’rankan, ’vel ur c’haezh, 
Lonkañ yod ha patatez. 

 DISKAN: Tra, la… 

Gant ur bannac’hig gwin mat 
E verve, gwechall, ma gwad, 
Bremañ ’z-an, p’am eus sec’hed, 
Da evañ gant ar pesked. 

 DISKAN: Tra, la… 

Ma c’horn, gant e vogedenn, 
Am lakae sart ha laouen, 
Ken’o ! Ma yalc’h varellet, 
Ma c’horn ken brav bragezet ! 

 DISKAN: Tra, la… 

A greiz kalon e karien 
Ar binioù, an abadenn, 
Met ar wech-mañ, hep bombard, 
Em eus ranket lammout start ! 

 DISKAN: Tra, la… 

Me ’gare, d’an daou lamm ru[z], 
Nijal gant ma c’hazeg du ; 
Bremañ, ’vel ur velc’houedenn, 
E kuzhan ’barzh ma c’hrogenn. 

 DISKAN: Tra, la… 

Karout a raen, mintin mat, 
Er maezioù, redek ar c’had, 
Bremañ ne ran ket chase 
Nemet da c’hwenn ma gwele ! 

 DISKAN: Tra, la… 

  da Erwan-M.  an Andouar 

    e Gwerliskin