Son (1)

Genre
Poésie
Langue
Breton
Source
Brest, P. Gadreau, 1902
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

E-kichen ur menez 
Ez eus ul lojennig ; 
E-touez he bodad gwez, 
Pegement eo koantik ! 
Nag a bet gwech, en deiz, 
Evit mont betegi, 
Me ’gemer an hent strizh 
A y-a da zor an ti. 

    DISKAN 

Evit gounit kalon 
Va Dousig koant ha ker, 
Piv ’zesko din ur son 
Dudius ha tener ? 

Hogen me ’chom atav, 
A-dreñv d’ar c’harzh, kuzhet, 
Ha dont a ran en-dro, 
Hep bezañ bet gwelet ; 
Petra ’ra din eta 
Ken alies koll amzer ? 
Perak huanadañ, 
Hep lavaret ur ger ? 

Siwazh ! el lojennig 
Emañ va c’harantez, 
Hag ar gaerañ plac’hig 
Em eus gwelet em buhez ; 
Hag a-greiz va c’halon 
Ken gwirion he c’haran, 
Ma choman mut, gant aon 
Ne lavarfe din : nann !