Amzer dremenet

Rumm
Barzhoniezh
Yezh
Brezhoneg
Orin
Brest, P. Gadreau, 1902
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

Amzer gaer eus va yaouankiz, 
Ne zistroi mui ’ta war da giz ? 
    Er glac’har da viken 
        Pebezh anken ! 

Gwechall, gant va muiañ-karet, 
Me ’blije din kement ar bed ! 
    Karet ’raen ar c’hoabr glas 
        Hag ar mor bras. 

Hon-daou, pa redemp er c’hoadoù, 
En ur ganañ sonioù, gwerzioù, 
    Ne soñjemp ket krediñ 
        Un disparti. 

Hogen an trubard, ar Marv, 
A-dreñv-kein gant e falc’h a sko ; 
    Ar re wellañ, siwazh ! 
        Alies a lazh. 

Skoet en deus, e-kreiz he gened, 
Hep damant, va muiañ-karet ; 
    Perak ’on-me chomet 
        Hep bezañ skoet ? 

Gwell eo ganin diskenn er bez, 
Pa n’em eus mui nep karantez, 
    Rak va Dous em gortoz 
        Er Baradoz.