daskor - facebook  daskor - css

Daskor

IX – Nouel ! Quenomp ha greomp joa !

Genre
Divers
Langue
Moyen-Breton
Source
Revue Celtique
Remarques
Nous avons conservé l’orthographe d’origine.
Précisions
Edition par Théodore Hersart de la Villemarqué dans Revue Celtique, X, pp. 288 et ss., d'après l'imprimé Y 6187 de la Bibliothèque nationale de France : "an Nouelou ancien", de Dom Tanguy Guégen, Quimper, 1650
Transcription
Sébastien Marineau
Dans le même ouvrage :

an ton so commun a houmman

  128
Nouel ! quenomp ha greomp joa !
Da natiuite a Iesus !
Maestres an Tensor enoromp ;
Nouel ! quenom, ne tardomp muy.

  129
Rentomp gracçaou dan Map laouen
So deuet don daspren a penet
A corff, hep mar, an goar Mary
Maz oump dreyzy rejouysset.

  130
Ema en Bezleem a breman
An Map byhan neuez ganet,
En un presep net a detry,
En lech maz idy an milet,

  131
Flour ha courtes, an Guerches man,
Pan o’an Mabic bihan ganet,
En dastumas en touez fouen glas,
Hac en laquas en he goasquet.

  132
Neuse, gant he laez precius,
Aioa vertuzus dreyst musur,
Vn spacc a amser, mister bras,
Mary en maguas, a tra sur.

  133
Dirac Iosep, mat ha natur,
An Guerches fur en mailluras,
An meuleudy ne voe byhan
A geureu dan mam en guanas.

  134
An Map man certen hon prenas,
Ha peur dyfflas a scuillas goat,
Dyrac Iuzeuien, en menez,
Hep nep truez en labezat.

  135
Gant scourgezaou ha barraou coat,
Quezquen dyfflat en en goatsont ;
A plant an troat bet bar an pen,
Quic ha crochen en dispensont.

  136
Hac en lequesont* en croas pren  [pour y en lacas] 
Mas voe quezquen tenn astennet
Ne mennas joendr en garr na brech
Na chenchas lech dre hon pechet.