daskor - facebook  daskor - css

Daskor

XXVII – Nouel quenomp ha greomp joa

Genre
Divers
Langue
Moyen-Breton
Source
Revue Celtique
Remarques
Nous avons conservé l’orthographe d’origine.
Précisions
Edition par Théodore Hersart de la Villemarqué dans Revue Celtique, XII, pp. 20 et ss., d'après l'imprimé Y 6187 de la Bibliothèque nationale de France : "an Nouelou ancien", de Dom Tanguy Guégen, Quimper, 1650
Transcription
Sébastien Marineau
Dans le même ouvrage :

Nouel voar ton Iesu salvator saeculi

  344
Nouel quenomp ha greomp joa
Da Maria dre un Ave,
A ganas hep goap quer Map Doue
Da lamet pep den a enoe.

  345
Saluer an bet guityb un tam
A deuez seder en e quer mam
Hac a lazat euit Adam ;
Dr’en aual voe en deffoue blam.

  346
Hep quet a mar clouar Mary
A voe diuiset a detry
Da bout mam Doue, hon guir Roe ny ;
Greomp leuenez bemdeiz dezy.

  347
Pan deuez bet Mary Gabriel
E deuz gant fest Roue’n ebestel
En Guerches plesant ha santel
Entr’en bedis da bout isell.

  348
  « Iesu hon car a Nazaret »
Ez voe buhan heman hanuet ;
Hac ez voe yuez badezet
Gant Iahan map Elizabet.

  349
  Deuet eo Roue’n sent en pauren[tez] 
En bet man hac en byhanez.
En merchauci, entr’en tiez,
Ganet Iesu an doa truez ?

  350
  Pedomp expres an Guerches man 
Maz ahimp ny guitib unam
Dan seig na disych de quichen,
Da bizuiquen. Amen ! Amen !