XIX – Quenomp Nouel ! Nouel ! Nouel !

Genre
Various
Language
Middle Breton
Source
Revue Celtique
Notice
The original spelling has been kept.
Further details
Edition par Théodore Hersart de la Villemarqué dans Revue Celtique, XI, pp. 46 et ss., d'après l'imprimé Y 6187 de la Bibliothèque nationale de France : "an Nouelou ancien", de Dom Tanguy Guégen, Quimper, 1650
Transcription
Sébastien Marineau
In the same work :

voar ton Ave, fuit prima salus

  246
Quenomp Nouel ! Nouel ! Nouel !
Da Gabriel pan reuelas
Bezaff Doue an enff conceuet,
En Guerches net hon remedas.

  247
Hep nep poan houman a ganas
En abry dyfflas un asen
Hon guir Roue flour, hep dour na tan,
Iesu e hunan voar an fouen.

  248
Allas ! a dyuez da dezraou
En deffou’en Autraou poanyau bras ;
A pan voe ganet, bezet sur,
Nemet laür ne enduras.

  249
An enff an douar a paras,
Pan deuez Messias, a tra sur ;
Hac en coabren brauff ez sauas
Vn steren bras, me hoz assur.

  250
Tryzec deiz an Rouanez bras
A marchas a pell bras ha saou ;
Dyouz Orient ez deuent baut
Da guelet, hep faut, hon Autraou.

  251
Da proff offrancc ha chevancçaou
Do guir Autraou, de dezraou mat,
E deuez parfet, na lequet mar,
An Try Roue, try car hegarat.

  252
Jesus en croas hont* prenas oll,  [lisez hon] 
Ha fur ha foll, na vemp collet,
Euit hon dianc a anquen.
Mall voa da den bezaff prenet.

  253
En hano Jesus, an alusen !
Reyt dan peuryen so anquenet ;
Doue a voe, chetu, e buhez
En paurentez heruez an bet.

  254
Jesus un dro a rento pront
Da pep an tu hont e bontez.
Pedomp oll Doue, guir Roue’n nouar,
Da reiff deomp clouar trugarez :

  255
An pobl a Leon, Bretonet,
Guyr catholiquet, da quentaff.
Pan a hint scaff da anaffon,
Moz pet, Roue’n Tron, don pardonaff.