AR PERSON, AN AOTROU GARO, AL LABOURERIEN

GARO
                              Mat, ret eo lavaret, Aotroù Person
Emañ Santez Anna a-du krenn gant Ivon.
Goulennoù ’meus graet outañ e-pad div eur vat
D’an nebeutañ… n’em eus ket gellet hel lakaat
D’en em zislavaret ur wech hepken.

AR PERSON
                                                                  Diaes
Bras e vez a-wechoù anaout ar wirionez
Diouzh ar gaou.

GARO
                               Oh ! Ar gaou amañ ? Ne gredan ket.
An diaoul, marteze, ya ! Ha c’hoazh ret eo gwelet ;
Met ar gaou, nann… Komzoù an den-se zo re fraezh ;
Re splann eo e lagad, re santel e vuhez.

AR PERSON
Penaos gouzout eta ?

GARO
                                       Gedomp.

AR PERSON
                                                          Pedomp ivez.

GARO
Pedomp, ya, ar splannder a zeu a-ziwar laez.

Al labourerien a dremen war ar c’hoarilec’h en ur zougen Mark Ardeven war ur c’hravazh.

AR PERSON, o tostaat ouzh ar c’hravazh
Paourkaezh Mark !

ARDEVEN
                                    Ha ! Dre gaer, pe dre heg, ret e vez
Soublañ, Aotroù Person, dirak ar wirionez.

Diwezh an eil arvest