Perinaig (1)

Rumm
Barzhoniezh
Yezh
Brezhoneg
Orin
Paris, J. Maisonneuve, 1898
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

              I 

          – Demat hirie deoc’h er gêr-mañ. 
          Div blac’hig yaouank a glaskan, 

          Div vinorez aet ’maez ar vro 
          Bremañ ur bloaz bennak a zo, 

          Unan anvet Perinaig… 
          – Baleer-bro, ’vit bremaik 

          Az po keloù gant ar Saozon, 
          Keloù da vantrañ da galon. 

          – Lârit din perak ar c’hleier, 
          ’Vit d’ar sul, ’tiñs ar c’hlaz e kêr. 

          – Kloc’h ar basion zo tiñset 
          D’ur plac’hig d’ar marv barnet ; 

          Kae war dachenn an iliz vras, 
          M’eo dit da welet kañv, siwazh !