XI Diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1909
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

AN AO. GARGAM, UR BARAER

AR BARAER ur vouchenn vat a vara gantañ
Deiz mat d’an aotroù !

GARGAM
Ha dit, va faotr… Perak ama
E tegasez bremañ ’r bara ?

AR BARAER
Ho tigarez, mar plij, aotroù !

GARGAM
Ya, ya, gwelet ’ran da droioù !

AR BARAER
Koulskoude gwir e lavaran :
Bloavezh mat deoc’h a reketan !
Ha d’ar Baradoz ra’z aio
Hoc’h ene kaer goude ’r marv !

GARGAM
Mat eo ! Del ’ta !

Reiñ a ra dezhañ gwenneien.

                            Ha sent ouzhin,
Kas hiviziken d’ar gegin !

AR BARAER o vont kuit a lâr d’an dud
Ar c’hintus kozh ne ro din ken
Nemet pezhioù daou-wenneien !

GARGAM
N’eus na bennozh, na trugarez ;
Savet ’int holl evel tud gouez !