Bleuñv nevez

Genre
Poésie
Langue
Breton
Source
Saint Brieuc, René Prud’homme, 1905
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    da’m mignon K. Gourvez

War an douar enor, bennozh,
Peoc’h peurbadus er baradoz,
D’ar re n’espernont ket o foan
Evit sevel yezh ar vro-mañ.

N’helled ket nac’h, e Breizh-Izel,
Ar brezhoneg, gant ar brezel,
A seblante toc’hor-meurbet,
Ha prest da vezañ sebeliet.

Setu abaoe bloavezhioù
Tud a galon, a-vandennoù,
Diwanet e pep korn a Vreizh,
O stourm ouzh amzer ha tud kriz.

Dre c’hras Doue o labouroù
A zoug delioù koant ha bleunioù ;
Ar brezhoneg a zo karet,
Kanet, meulet ha kalz skrivet...