Breizhad bepred !

Genre
Poésie
Langue
Breton
Source
Saint Brieuc, René Prud’homme, 1905
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    da’m mignon Al Louet, mestr skol

    war don An hini gozh

        diskan
    Va c’halon zo
    Gant va bro,
  Ha bepred e vezo !

Hag ez afen da benn ar bed
Gant Breizh va c’halon ’vo bepred.

An heol, gwir eo a wel broioù
E-lec’h eus muioc’h a vadoù.

E Pariz traoù brav a weler,
En he skolioù kalz a zesker ;

’Mesk ar Saozon ’on bet ivez ;
Ni zo paour dirak ar re-se.

En holl lec’hioù forzh pegen kaer,
Va spered a nije d’ar gêr.

Betek Rom zoken ez on bet,
Ha Breizh n’em eus ankounac’haet.

Va daoulagad ’glaske al lann,
Ar parkeier leun a valan.

Na welen mui ar c’haer bragoù
O deus miret deomp hon tadoù.

Na gleven ken nemet galleg,
Ha tamm ebet a Vrezhoneg.

Na gleven mui ar marvaihoù
A lâr deomp e Breizh hor mammoù.

Va c’halon a lamme em c’hreiz
Gant hast da zistreiñ da vro Breizh.

E Breizh bremañ me a chomo
Betek an deiz eus va marv.

Fellout ’ra din e Breizh-Izel
Bevañ gwir Vreizhad ha mervel.

Ha betek penn me ’labouro
Evit va Breizh, evit va bro.

M’am bezo gant ar C’halloudeg
Gopr an dud vat ha kalonek.