Chomit en ho klud !

Genre
Poésie
Langue
Breton
Source
Saint Brieuc, René Prud’homme, 1905
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Bretoned, chomit en ho klud !
Labourit parkeier ho tud ;
Er maezioù eus pinvidigezh
Hag er c’hêrioù kalz dienez.

Paotrezed, chomit en ho klud !
Chomit e-kichenik ho tud ;
An dañvad dous pell diouzh he mamm
Na zaleo ket da gaout lamm.

Bugale, chomit en ho klud !
Er c’hêrioù ez eus avel yud,
Ha c’hwezh kalet e pep amzer
War gorf hag ene ar skuber.

Kenvroiz, chomit en ho klud,
Chomit e karterioù ho tud,
Er maezioù e kaver yec’hed,
Peoc’h gwirion, frankiz, eürusted.

Gallaoued, chomit en ho klud !
Lezit didrouz ur boblad tud ;
Ar Vretoned na c’hedont ken,
Lezit he dra digant pep den !