ar Paotr bihan kamm

Rumm
Barzhoniezh
Yezh
Brezhoneg
Orin
Sant Brieg, René Prud’homme, 1905
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    da Jeanne Kervern, Kerzadioù

Va mamm-gozh, en deiz all ha me war he barlenn,
He deus din displeget ur c’haer a gontadenn ;
Ken don e va spered emañ hi c’hoazh hiriv,
Me ’zan d’he disklêriañ deoc’h-hu ivez da’m zro.

    Gwechall ez oa e Rozegad
    Ur bugel fur hag eus va oad,
    Hogen ken mac’hagnet, ken kamm,
    Ma n’helle hep branell flach tamm.
    Bale, redek, c’hoari, lammet,
    Siwazh biskoazh n’en doa gallet.
    Un devezh a selle gant c’hoant
    Re all o c’hoari gant arc’hant,
    Pa dremenas en o c’hichen
    Ur paour o klask an aluzen.
    Skuizh-marv oa diouzh an doare,
    Ha naon en doa ’dra sur ivez ;
    War an hent bras, eus e zaou droad,
    E tivere fonnus ar gwad.
    Doanius-meurbet oa da welet ;
    C’hwi ho pije e sikouret,
    Hogen, ar yaouankiz zo skañv,
    Hini n’en doe truez outañ...
    Holl ho devoa ur galon fall,
    Hag e raent goap en ur farsal.
    Ar paotrig seizet, eñ hepken,
    A ro d’ar paour e dammig krenn.
    Neuze, o burzhud ! oe gwelet
    An truilhoù d’an douar kouezhet,
    Hag ar c’hlasker, sonn en e sav,
    Sklêrijenn skedus ’n dro dezhañ.
    D’ar bugel mat e lavaras :
    « N’az pezo mui ezhomm a vazh ! »
    Ha kerkent ’n em gavas pare
    Dre zorn an Hini e douche.
    D’an ampoent ez eas diwal wel,
    Jezuz-Krist oa, ’me ar bugel !
    Ar c’haezh en doa graet aluzenn
    Da Jezuz mignon ar beorien !...