War sav !

Genre
Poésie
Langue
Breton
Source
Saint Brieuc, René Prud’homme, 1905
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    d’an Ao. Abad Perrot

Na me ’garfe e ve va mouezh
Klevet e Breizh e pep parrez !

O va bro gaer a Vreizh-Izel,
Bro ar Varzhed, douar santel,
Ar Gall a c’hoanta touellañ
Da vugale ’vit o zrellañ.

’Vit lazhañ da spered kristen
Ennout aet ken don he c’hwrizienn ;
’Vit lazhañ da Yezh benniget,
A garfe gwelet dilezet,

’Vit lazhañ da gizioù brudet,
Penn-abeg eus da eurusted ;
Gouzout a ra emañ aze
Buhez pe varv da ene.

War-sav, war-sav, holl, Bretoned,
Gouenn an dud kreñv, pennoù kalet !
Penn d’an enebour aheurtet !...
Biken gantañ na vimp trec’het...

Biken hor yezh na vo lezet
Da vezañ e Breizh diskaret,
Da Zoue ha d’hor Breizh-Izel
Holl bepred e vezimp fidel...

Kentoc’h ’karfemp mervel mil gwech
Eget reiñ abeg d’ur rebech !