an Toer

Genre
Poetry
Language
Breton
Notice
The spelling has been modernized, but some forms (mutations, verbal particles...) has been kept.
Further details
Kroaz ar Vretoned, 03/11/1918
Transcription
Sébastien Marineau
In the same work :

Savet ez on bet e Kerne
E-tal mengleuzioù ar menez.
Yaouankik ez oan darbarer,
Ha da bevarzek vloaz toer.
Biskoazh n’ez on bet laouenoc’h,
E rankan hel lavaret deoc’h,
’Get pa laken va zavañjer,
Ur morzhol en va gouriz lêr.

Ab’oe ’meus graet meur a doenn,
D’e-leizh, didoullet o lojenn,
Pignet em eus war vanerioù,
Kempennet dezho o zourioù !
Iliz va farroz hec’h-unan
Ha deus bet ezhomm eus va foan !
’Tal an tiez hag o fignon,
Dreist-holl a-raok sul ar pardon,
Hag a-wechoù ar gouelioù bras,
Am eus gwennaet gant laezh-raz.

Ha, koulskoude, o va breudeur,
Va leve n’eo kresket nemeur,
Paour ’on ganet, paour e choman1,
Setu va flanedenn amañ !
Un devezh, ’michañs, ma ve ret,
D’in ganeoc’h goulenn va zamm boued,
Ho po soñj mat eus ho toer
’Ho tiwalle diouzh gwall-amzer.

 

1 Biskoazh em bro n’em eus gwelet toer o pinvidikaat.