da eñvor va zad-kozh, Maksim Picard

Azezet war ur skabell,
E-kichen dor ar chapel,
Un dall kozh divlev e benn,
A astenne e grogen.
’Vit an dud hag o loened
E lâre e chapeled.
Lod, koulskoude, n’hen gweljent.
Gant mall o devoa da vont,
Da reiñ o frof d’ar Sant kozh
Ken brudet ’vit e vennozh.

Yaouankik, me va-unan
’Dremenas hep ober van ;
Met, ur pennadig goude,
E-keit ma peden Doue,
’Soñjis em zad-kozh marvet
Gantañ kollet ar sklêrded,
Am lake war e varlenn
Da glevet ur gontadenn,
Da deurel din em godell
Ur blankig, pa’z oan bugel.

Em c’halon e vadelezh
A zihunas va evezh,
Hag, o tistreiñ, e lakis
Da gouezhañ un tamm moniz,    [moneiz] 
An hanter eus va arc’hant
Da behini ’m boa damant ;
Rak neuze gant ar gouerien
’Veze rak ar gwenneien.