Da ziwezhañ

Rumm
Barzhoniezh
Yezh
Brezhoneg
Orin
Gwengamp, P. Le Goffic, 1865
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

Da gimiadiñ, holl lennerien, 
Kanerezed ha kanerien, 
E lavarin, e berr gomzioù, 
Pelec’h emañ ma fazioù : 
Da gentañ e lavarin krenn 
Ez eo bras-meurbet ma anken, 
Pa n’em eus lavaret abred 
Eo ar Fubuenn kinniget 
D’an Aotroù Kervarker, den mat, 
D’ar brezhoneg ken hegarat. 
D’an eil e lârin, war bouez-penn, 
Em eus tapet eus La Fontaine 
Abeg kentañ d’ar fablennoù 
’Zo em levr e kanaouennoù. 
Koustus eo din hel lavaret, 
Ha pell bras ez on bet nec’het 
O klask an tu da zisklêriañ 
Ma fazioù ar re vrashañ ; 
Gwall vezhek on, pa lavaran, 
Distaol ouzhoc’h a c’houlennan…