I Diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1909
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

AN AO. GARGAM, e-unan
Ma chom hiriv brav an amzer
Me a redo dre ’l lanneier
War-lerc’h ar glujar hag ar c’had ;
Am bo anezho ur sac’had…
Na diskuizh ’vo o divesker
Ma tec’hont krenn va zennoù taer !…
Disadorn, o pebezh dudi !
Evidon-me distreiñ da’m zi
Gant un toulladig gedon brav
Da ober un tamm lip-e-bav !…
Ya, peadra da regaliñ,
Div ha teir gwech, holl dud an ti !…
O feiz, me ’lâr hep fougeal,
N’eus ket par din da chaseal ;
Me, ’gred ’on moumoun Sant Hubert
Ha filhor an aotroù Sant Per !
 
Klevet a ra trouz.
 
Piv a c’hell donet ken abred
Da’m diaesañ a-vec’h savet ?
 
Skeiñ a reer war an nor.
 
Digorit !