an Delioù en diskar-amzer

Rumm
Barzhoniezh
Yezh
Brezhoneg
Orin
Sant Brieg, René Prud’homme, 1905
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

Delioù ar gwez melenet holl
A nij pa c’hwezh an avel foll ;
Lavaret ’vefe eneoù
Deuet da c’houlenn hor pedennoù…

Nag i oa koant n’eus ket pell c’hoazh
Ouzh ar skourroù gant o liv glas !
Hiriv, siwazh ! ’int dislivet,
Ha dindan treid an holl breset.

Tud yaouank, kemerit kentel
Gant an delioù sec’h o vervel :
« Lec’hed*, gened a dremeno,    [pe lec’hid ?]
A-barzh nemeur c’hwi a varvo !… »

Er bloaz a zeu delioù nevez
A savo adarre er gwez ;
Goude breinadurezh ar bez
Ni ’savo ivez d’ar vuhez.