En ho kavell

Joseph-Marie Le Bayon - en ho kavell
Genre
Poetry
Language
Breton
Notice
The spelling has been modernized, but some forms (mutations, verbal particles...) has been kept.
Further details
Dihunamb ! 01/1923 p. 8
Transcription
Sébastien Marineau
In the same work :

En ho kavell e korn an tan,
Kouskit ma c’houadurig bihan.

tra litra-li tra li tra li tra li tra li tra li la.

An noz, er-maez, a zo teñval*,    [W tioél]
Kornal a ra kreñv an avel.

Serrit, sentus, ho taoulagad,
Tra ma vin diouzh ho luskennat.

Mar ne gouskit ket ’tro an noz,
Ho mamm a chomo hep repoz.

Ma c’hrouadurig, ma c’harantez,
Kouskit ken e vo deut an deiz.

Pa vo savet ar mintin sklêr,
Ar c’hôg a gano er rakkêr.

Eñ a gano « kokoriko »,
Hag ar splannder a zic’housko.

Splannder an heol war ar maezioù,
Bennozh Doue war ar c’havellioù.