Pempet pennad

Genre
Théâtre
Langue
Breton
Source
Scrignac, Feiz ha Breizh, août 1939
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

YANNIG, dindan an daol, AR MILINER, MERIADEG

AR MILINER
A ! ’Ta, kemener ? Che ! N’eus mui kemener ebet ! Da belec’h, da vihanañ, eo aet adarre, da goll e amzer, ar c’hozh kemener brein-se ? Meriadeg, Meriadeg ?

MERIADEG
Petra zo, va zad ?

AR MILINER
Ne ’peus ket gwelet Yannig ?

MERIADEG
Aze e oa bremaik, azezet mat war e dorchenn, o klask lakaat neud en nadoz.

AR MILINER
Malinbrek ! Biken ne deuio a-benn da echuiñ va lavreg en noz-mañ. Deomp da welet e pelec’h eo aet adarre da goll e amzer.

Skeiñ a ra gant e zorn war an daol

Ma ne vez ket echu va lavreg hiziv ne zay ket, en e bezh, eus an ti-mañ emberr.

Mont a reont kuit.