Chom e Breizh-Izel

Rumm
Barzhoniezh
Yezh
Brezhoneg
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Sklêrijennoù
Kroaz ar Vretoned, 22/07/1917
Treuzskrivañ
Sébastien Marineau
En hevelep levr :

    da L. Lalouet

Pa gousk ar c’han en neizh, pa son ar c’hloc’h en tour,
An heol ’welan a-bell war-nes kuzhet en dour,
An blaenenn vorennet, ar roc’h gwisket e moug,
Ar c’houmoul o redek ’vel oc’h en em ambroug ;

Me a glev er menez ar baotred o youc’hal1,
E-giz ar Gelted kozh, en amzerioù gwechall ;
En-dro d’an torgennoù, mouezh al lern o c’harmat
O kas ar c’honifled pe war roudoù ur c’had ;

Me a sant en avel c’hwezh an douaroù kozh
A ra pep tra gwelloc’h, a lavar din en noz :
« Er-maez eus Breizh-Izel ’vi atav un estren
Dilezet, divroad, hiraezhus2 da viken ! »

 

1 Giz youc’hal Kerneviz a dle bezañ kozh-kozh, rak ma kaver anezhi gant Skosiz, ur bobl geltiek eveldomp, du-hont en Hanternoz.

2 Hiraezhus pe hirnezhus a zo stad un den, hiraezh pe hirnezh ennañ, gant keuz d’e vro p’en em gav pell diouti.