Ar Vreizhiz a fell d’e gwelet o langaj kaer¹
Doujet gant an estren ! Desket d’ar vugale
’N o skolioù, ha komzet eus ur penn d’egile
          Eus o gourenez ker !²

Breizhiz a fell dezho mirout krenn o gizioù,
En em unaniñ start ’vit bezañ didrec’hus,
Ha gwelet o tridal o bannieloù luc’hus
          War lein o menezioù !

Ar Vreizhiz a fell d’e³ bout gante hoc’h unan
Renet gant poell, hervez spered o Gouenn, ha nann
(Evel emaint hirie) ’enep d’ar skiant vat !

Ar Vreizhiz a fell d’e³ erfin gwelet o Bro
’Mesk ar Broadoù meur o kemer renk da vat,
Nerzhus ’vel he reier ! ha sonn ’vel he derv !

¹ Ar Vro :

Breizhiz a fell dezho ma vezo o yezh kaer

² Ar Vro

Dimeus o douar ker !

³ Ar Vro :

Breizhiz a fell dezho