Marc’haridig

Genre
Poetry
Language
Breton
Source
Morlaix, A. Chevalier, 1885
Notice
The spelling has been modernized, but some forms (mutations, verbal particles...) has been kept.
Transcription
Sébastien Marineau
In the same work :

Ha soñj hoc’h eus, Marc’haridig,
Gwechall, e pardon Poullaouen,
’Moamp prenet daou wennegadig
Sivi, ma oe leun da barlenn ?

’B’oe, Aotroù Sant Per, ’mezonig, 
’Neus graet meur a dro war hon fenn.
Met hon c’halon, Marc’haridig,
Ha n’eo ket chomet ken laouen ?

Ac’halenn me ’wel ar wezenn
E disheol pehini mistrik
’Moamp dibabet hon prenadenn ;

O ! Mar kerez !… Ul labousig
Eno ’gano deomp evel-henn :
« Kalon glan na gosha biken ! »