Kaerañ tra ur paeron

Genre
Poetry
Language
Breton
Source
Morlaix, A. Chevalier, 1885
Notice
The spelling has been modernized, but some forms (mutations, verbal particles...) has been kept.
Transcription
Sébastien Marineau
In the same work :

Dec’h c’hoazh, eme Gabig, ma stad oa trist-kenañ.
An holl o doa spered, begoù lemm ha lirzhin.
Me, ma lârjen ur ger, ’vije graet goap diouzhin :
« Sell ar balbouzer-se… petra c’hoari gantañ ? »

Un taol avel, setu an traoù war an tu gin.
An dud a serr o beg raktal ma kaozean ;
Kement hini a priz kement tra a lâran ;
Hiriv ’kavfen ar mêr a-du da prestañ din ;

War-bouez un neudenn brein me ’dapfe kalonoù ;
Ma taolfen ma chupenn, me ’rafe burzhudoù.
An abeg eus a se ha n’her welit-hu ket…

Va faeron – furañ den ! – ’noa goret un teñzor ;
Gant e pok diwezhañ hel ’ledas d’e filhor.
Hogen, war an dañvez ’ziwan atav spered.