Djali

Genre
Poésie
Langue
Breton
Source
Morlaix, A. Chevalier, 1885
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Djali, va gavrig ken karet,
O, petra ’out deut da vezañ ?
Skrapet gant daou zen kounnaret,
E pelec’h ’out aet da gouezhañ ?

Piv en divije lavaret
’Vijent kriz a-walc’h da’m lazhañ !
Dit ’out va c’halon glac’haret,
Ha red va soñjoù diwezhañ.

Te oa va dousig mignonez,
Va skoazell, va nerzh, va buhez.
Djali laouen ’vel un aelig,

E-lec’h tridal na ri bremañ
Nemet da-unanig leñvañ
War Esmeralda reuzeudik.