Janedig-Flamm (4)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

Janedig-Flamm a c’hoarzhe,
’Toull he frenestr, ar mintin-se,

War ar maez p’he defe sellet,
O welet ar c’hamp distrujet,

Ha moged eus an dinelloù,
Luduet-holl e bernigoù.

Ha Janedig-Flamm a c’hoarzhe :
– Pebezh marradeg, ma Doue !

Ma Doue ! pebezh marradeg !
Evit ur greun ni hor bo dek !

Gwir a lared amzer gwechall :
« N’eus netra koulz hag eskern gall,

Koulz hag eskern Gall bruzunet,
Da lakaat da sevel an ed. » –