Fontanella (2)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    II

Da vaner Koadelan ’int aet ;
Ur mab bihan he deus ganet,
Ur mab ken koant evel an hañv,
Heñvel d’e dad Fontanellan.

Ken a oa ul lizher degou’et :
Da Bariz e oa ret monet.
– Ho-unan, amañ ho laoskan,
Da Bariz raktal a ean.

– Fontanellan, chomit er gêr ;
Paeañ a rin ur c’hannader ;
En an’ Doue, na it ket di ;
Ma it di na zistroec’h mui.

– ’Peus ket da gaout aon ebet ;
Me ’ya ma-unan d’o c’haouet* ;    [c’haouet] 
Grit ervat da’m mabig bihan,
Keit e vin pell deus ar gêr-mañ. –

Fontanellan a lavare
D’an dud yaouank, pa ziblase :
– Me ’rey ur banniel ar c’haerañ,
D’an itron Vari Rozeran ;

Banniel ha dilhad ar c’haerañ,
Ma ’po soñj ouzh Fontanellan ;
Ha damant ouzh e vab bihan,
Ken na zistroy da Goadelan. –