VIII Diviz

Genre
Théâtre
Langue
Breton
Source
Saint Brieuc, Moulerezh Sant Gwilherm, 1913
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

REMEUR, PERIG, BERNEZ, LANIG

AN TRI BUGEL a-unan, o c’hoarzhin a-bouez-penn
Ha ha ha ha ha !

PERIG
Ha ha ha ! Klevet a rit, paotred ? Un den foll ! Un den foll ! Klevet a rit ? Ha ha ha ha ! Emañ ar genaoueg-se o c’hortoz delioù da sevel war e vazh sec’h evel kerniel buoc’h. Ha ha ha ha ! Selaou ’ta, den kozh, selaou ’ta ! Marteze e teuio avaloù pe gerez war-lerc’h delioù, gant da vazh. An tri a c’hoarzh.
Me a breno dit evit ur gwenneg anezho, pa vezint darev. An tri a c’hoarzh.

BERNEZ
Troad ur rastell eo ar vazh-se, tad kozh ? E pelec’h emañ he dent houarn ? Daoust hag o gwerzhet ec’h eus evit ur banne ? Neketa ? An tri a c’hoarzh.

LANIG d’an daou all, oc’h ober goap
Na c’hwi zo diot ho taou ! Ne ouzoc’h tra diwar-benn an den-mañ. Sellit ta ! E zremm zo kaer ha rog. Ha ha ha ! Ne welit ket ? Ur roue eo. Ar vazh-mañ eo e vazh aour fin, e vazh roue. An tri a ziroll da c’hoarzhin.

TREMEUR o vousc’hoarzhin
Ne ouzout ket, va c’haezhig, ec’h eus lavaret ar wirionez hep her soñjal. Me zo bet roue gwechall.

AN TRI o c’hoarzhin, o krial, o vountañ hag oc’h heskinañ Tremeur
Ha ha ha ! roue eo bet ! roue eo bet ! Foll ma’z out ! Foll ma’z out ! Foll-mik ! Bleiz Bleiz Bleiz kozh ! Hu bleiz ! Hu bleiz !