Degemer mat war lec’hienn ar raktres Daskor ! Savet eo bet gant izili a-youl-vat ur gevredigezh. Ar pal a zo ganeomp : lakaat an darn vrasañ da anavout ha da vout lorc’h enno gant al lennegezh vrezhonek.

Emaomp war glask skridoù kuit a wirioù, hag o feurskrivañ a reomp hini hag hini diouzh an doare-skrivañ a-vremañ. Evel-se hon eus aozet dija 2228 skrid eus al lennegezh vrezhonek !

Kinnig a reomp deoc’h ar skridoù-se diouzh an aozer, diouzh ar rumm, diouzh an dodenn… Gallout a rit kaout an holl er stumm niverel, digoust, hag embannet hon eus un darn anezho e levrioù godell zoken.

Kinnig a reomp deoc’h ivez skorioù a bep seurt a-zivout al lennegezh vrezhonek (un istorig, buhez an aozerien…) hag a-zivout ar brezhoneg (skridoù divyezhek, tutorial brezhoneg…).

  • Garantez (ar)

        war don Luskell ha glac’har

    Ar plac’hig, en noz-se, a yeas c’hoazh da vale
         Dindan ar c’hoad, ouzh sklêrijenn al loar,
         Evit gouelañ d’an delioù a gouezhe d’an douar...

    Hag an delioù, ivez, ouzh ar verc’hig a ouele :
         Pa zispakent, gant miz mae ha glizhenn,
         He c’halon a zigore, splann evel ur rozenn ;

    Evel ur rozennig, ur rozennig a c’hwezh-vat,
         C’hoantaet kalz diseblant un devezh
         Ha…

  • Varzhed (ar)

    ’Trezek ar Barzh kaner ’kreiz ma taolen va sell,
    ’Voen douget em huñvre war Dosenn ar Brezel,
    Ur menez sonn spontus, hag e rae gwez derv
    En-dro de’ gribenn moal seizh kwech seizh ugent tro ;
    Pezhioù gwez galloudus ha bodennek-meurbet,
    Ken kalet hag ar vein, ken kozh evel ar bed,
    Astennet o bodoù gante ’tre d’an douar,
    Netra warne nemet man gwenn hag uhelvarr.
        Dreist ar gwez uhelañ ’save betek an neñv,
    Brugek ha dizolo, penn ledan ar menez,
    Ha war e vegig-beg, kurunenn diwezhañ,
    Un daol-maen…

  • Skrivagnerien (ar)

                    War-lerc’h koan ar vuhez er bez e tiskuizhin.
                         Gwerzenn ar Marv, Bleimor

    Diskennet ’out er bez, Bleimor, a-raok an oad,
    Evit difenn ar vro skuilhet ganit da wad ;
    Ha da gousk a zo don, mab meur an dud a vor,
                Dindan douar Arvor,
    Ur groaz yen keltiek o terc’hel dit eñvor.

    Trouz ebet en-dro dit nemet klemm ar mor bras,
    Pe richan un evnig o kludañ war da groaz,
    Pe mouezh avelioù Breizh o vont…

Me ’anavez ur marc’h glas,
Gouest da zougen kant karrad dir
Ha n’eo ket gouest da zougen ur spilhenn.

Ar mor

Feiz ha Breizh