O ! na pebezh dudi ! Na pebezh fouge reizh !
A garg hiriv an deiz kalonoù ar Gelted !
O ! na pebezh gaeder ! Na pebezh joaiusted
A ren erfin e-touez bugale an div Vreizh !

’Lec’h o deus, evit gwir, ’lec’h o deus da vezañ,
Muioc’h eget biskoazh, evurus ha lirzhin
Rak an amzerioù kaer diouganet gant Merzhin
A zo arru ! Dija Iwerzhon ar vrasañ

Eus o broioù kadarn, Iwerzhon, bet kouezhet
Ken izel, ’mañ dirak an holl ved souezhet
O paouez adkavout he frankiz a wechall.

Ha gant un nerzh nevez, bremañ he c’hoarezed
Cymru ha Skos ha Breizh ha memes Kernewall
A aoz ivez, dindan bleinadur ar varzhed,

An emgann meur hep lazh o rento dishual.

          Mae 1912