Kan brogar

Genre
Poésie
Langue
Breton
Source
Les sources sont particulières à chaque texte
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Précisions
Ar Vro, 02/1914
Transcription
Sébastien Marineau
Dans le même ouvrage :

Da lorc’h a zo va lorc’h, da eurvad va hini,
O Breizh ! ha da youloù va youloù me ivez.
Me ’gan pa out joaius, hogen ar velkoni
Hag an daeroù a zo va lod pa c’houzañvez.

Rak em c’horf da ene kizidik ha tener
A zaskren ha da wad em gwazhioù a red,
Ha va c’halon garus, a daolioù gwall bounner,
Em c’hreiz, ’vidout a sko buan, a sko bepred.

Met un deiz e torro. Neuze en ez tivrec’h
Me a garje mervel. Pegoulz e vezo trec’h
Da’m buhez an Ankoù didruez ha bouzar ?

Ne vern ! Pa vezo deut an eur, hep keuz ebet,
Er fos e tiskennin, va Bro, eürus-meurbet
Pa rin-me c’hoazh enni lodenn eus da zouar.