Livre VII, fable X

            Perina, gant ur podad laezh
            Klok war he fenn, torchennet aes,
A venne erruout difazi e kêr
            O vezañ gwisket lostenn-verr,
            ’Vit bezañ skañv, ha botoù plad,
      Ha, laset start, e kerzhe d’an tizh-vat.
            En dailh-mañ, ar paotrez kaezh,
      Dre ma kerzhe, a gonte priz al laezh :
Gant an arc’hant e pren, nebaon, ur c’hant vioù,
A sav, evit an hañv, daou, tri rumm torradoù :
            Me ’digoro va daoulagad,
            Dre-se e teuint holl da vat ;
      Ouzhpenn zo, du-mañ n’eo ket diaes
      Sevel laboused, tost d’an tiez,
            Hag Alanig, daoust d’e skiant,
            A lezo a-walc’h ganin-me
            Evit prenañ, gant o arc’hant,
            Un oc’h ebreleg a-zoare.
            Me her choazo aes da vagañ,
            Ha pa deuio koulz her gwerzhañ,
            An eur em bo (petra ’virfe ?)
               Da gaout ur vuoc’h hag he leue.
            Na pebezh joa pa ho gwelin
      Gant ar re all, er foenneg o vreskiñ12
War ar ger-mañ, dre joa ar plac’h a r[e]as ul lamm ;
Laezh, porc’hell, laboused, hag al leue hag e vamm,
               Skuilhet ha bruzunet tout,
            A y[e]as asambles en o roud.
            Ar perc’henn gant huanadoù
            A lez eno he holl madoù
Hag a ya war he c’hiz da gaout he gwaz d’an ti,
      D’en em iskuz ; met riskl zo eviti,
            War a glevan, ha dañjer bras
            N’en defe tapet fest ar vazh.


12 o vreskenniñ.