Livre V, fable XIII

               Dibaot an den c’hoantus na goll
         Alies tout, o soñjal gounit holl.
               Ur gontenn graet gant hon tud kozh
               A zisklêrio pegen gwir eo ar gaoz.

               Un den a oa, hag e[ñ] ne oa ket paour,
Rak bemdez diouzh e yar e teue ur vi aour.
Eñ, o soñjal enni kaout un teñzor kuzhet,
Gant c’hoant rastellañ pront en deus hi toullgofet.
Padal ! e-ziabarzh e pep giz a oa graet
               Heñvel mil ouzh kof ar yer all,
Eus a bere pep vi gwenneg ebet na dalv.
Dre e faot e-unan en deus kollet e stal.
Houmañ d’an dud fallakr a zo ur gentel sklêr !
D’ar pet n’hon eus-ni ket gwelet, en hon amzer,
Eus ar beure d’an noz kou’et er stal izelañ
O klask pignat re bront war ar stal uhelañ ?