Son an tacher

Genre
Poetry
Language
Breton
Source
Paris, Alphonse Lemerre, 1879
Notice
The spelling has been modernized, but some forms (mutations, verbal particles...) has been kept.
Transcription
Sébastien Marineau
In the same work :

Er vourc’h abaoe ma choman
Morzhol an tacher a glevan.

’Hed an deiz, ’hed an noz e sko !
Skeiñ a ra e vorzhol atav !

Sellit e zivrec’h noazh ha du
O tistreiñ an houarn a bep tu.

’Hed an deiz, ’hed an noz e sko !
Skeiñ a ra e vorzhol atav !

An heol kaer morse na wel,
Bepred glaou ha tan ruz er c’hovel.

’Hed an deiz, ’hed an noz e sko !
Skeiñ a ra e vorzhol atav !

Da vagañ e vugale keizh
Kant ha kant tach a ra bemdez.

’Hed an deiz, ’hed an noz e sko !
Skeiñ a ra e vorzhol atav !

Re all a ya d’ar pardonioù,
Eñ a chom da ober tachoù.

’Hed an deiz, ’hed an noz e sko !
Skeiñ a ra e vorzhol atav !

Tachouigoù, tachoù pennek,
Hag a houarn evit ur gwenneg !

’Hed an deiz, ’hed an noz e sko !
Skeiñ a ra e vorzhol atav !

Ehan a ra pep sul hepken
Evit klevet an oferenn.

’Hed an deiz, ’hed an noz e sko !
Skeiñ a ra e vorzhol atav !

Dibeut* a wech an tavarner    [nebeut] 
A wel en e di an tacher.

’Hed an deiz, ’hed an noz e sko !
Skeiñ a ra e vorzhol atav !

Bennozh Sant Alar ha Doue,
Ya, bennozh d’an oberour-se !

’Hed an deiz, ’hed an noz e sko !
Skeiñ a ra e vorzhol atav !

    e miz kerzu 1842