Rimoù bihan

Genre
Poésie
Langue
Breton
Source
Paris, Alphonse Lemerre, 1879
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

        Kimiadoù

Allaz ! Setu an deiz da guitaat ho pro :
Kenavo, Kerneviz ! Ya, tud vat, kenavo !
— Kenavo, den yaouank ! Met deuit c’hoazh, deuit !
Perak mont kuit par ver gant an holl dud karet ?

        da Jesmi*  [ = Jasmin] 
        barzh Gwaskogn

    Barzhig kaezh, evit hon diwall,
    Lavaromp d’ar C’hallaoued fall :
    O kanañ Doue war ar maez
    Pep labousig en deus e vouezh.

        da Hersart

    Amzer gozh, o amzer santel !
    Neuze ’kleved, e Breizh-Izel,
    E pep koad kanañ an evned,
    E pep kêr kanañ ar varzhed !

        da Gaourintin

    Barzh yaouank desket ganin-me,
    Kaner mat, merour mat ivez,
    Da gorf a vagez gant an ed,
    Ha gant ar werzioù da spered.

        ar ruskenn

    Plac’hig, ho kalon zo heñvel
    Ouzh ur ruskennig leun a vel ;
    Hag ennoc’h, evel ar wenan,
    A voud ho soñjennoù bihan.

        ar rimouigoù

    Kan ar penn-glaouig a zo berr,
    Hogen ennañ pegen douster !
    N’eo ket hir ivez ar Bater.

        Yann Doussall hag e c’hemener

Doussall gant e vragoù bras a oa un den ! — Doussall
Bremañ gant e vragoù hir en deus man ur pesk sall :
        Kemener ! Kemenerig !
        Te a zo un traitourig !

        Gwerzioù skrivet war zor ur maner kozh

  Ur c’horrigan, e-pad un noz,
  En deus me graet gant e nadoz.

        war vez an Aotroù ar Gonideg

Peulvan, deskit d’an holl anv ar  Gonideg,
Den gouiziek ha den fur, tad ar gwir brezhoneg.

        war di an Aotroù Malo Korret*  [ = La Tour d’Auvergne]

            Kleze dir er brezel ;
            Levrig aour em c’hastell.