Aotroù Flammig

Genre
Poésie
Langue
Breton
Source
Paris, Alphonse Lemerre, 1879
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    war don Ar vamm Mikaela

Setu Aotroù Flammig, gwisket flamm, gwisket kaer,
N’eo ket mui ur maeziad, n’eo ket c’hoazh ur paotr kêr.

Sellit e benn touzet, touzet gant ar c’hreoñer :
N’en deus ket blev hir, n’en deus ket blev berr.

Dont a ra eus ar skol, klevomp holl e brezeg :
N’eo ket mui brezhoneg ha n’eo ket c’hoazh galleg.

Fougeer ha direizh, war bep dra ’grog e zent :
Goap a ra war an diaoul, goap a ra war ar sent.

Hanter vat, hanter fall, setu Aotroù Flammig.
Allaz ! An oanig gwenn a zo deut ul louarnig.

Setu Aotroù Flammig, gwisket flamm, gwisket kaer,
N’eo ket mui ur maeziad, n’eo ket c’hoazh ur paotr kêr.

    e miz meurzh 1843