Yannig Skolan – ar Gwall-daol (3)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    III

Seizh pe eizh teiz oa tremenet,
He zad d’ar gêr ne oa ket bet,
War-dro unnek eur pe greisteiz,
He zad d’ar gêr a zegoue’e.

– Bugale baour, din-me lâret*,    [lârit] 
Petra ’peus ’ta ken glac’haret :
Nag o c’hoar ’men emañ-hi aet ?
– Abred a-walc’h e klevfet !

Abred a-walc’h e klevfet
Doare diouzh hor c’hoar Morised ;
Emañ-hi tu-hont ’tal ar prad
Hag hi o neuñvial en he gwad.

Ar gwiader ’neus hi lazhet !
Dib’oe ’maoc’h ac’hann diblaset,
Oa ’kas he dougen d’ar pec’hed ;
Yannig Skolan ’neus hi lazhet !

’Oa ’kas he dougen d’ar pec’hed,
Ha padal n’en deus ket gallet ;
Hi a oa ur plac’h digant Doue,
’Felle ket de’i koll he ene.