daskor - facebook  daskor - css

Daskor

Tour an Arvor (6)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

Kastell Arvor zo saouzanet – avat –
Ma eo bet biskoazh kastell ’bet,
Strafuilh bras zo er c’hastell :
Ar vamm-gaer zo ’vont da vervel.

– An ifern em harz zo digor – lezvab –
En an’ Doue ! deu’t-hu da’m skor* !     [sikour] 
Deu’t-hu da’m skor*, me zo daonet !    [idem
Ho pried c’hlan am eus gwallet ! –

Ne oa ket he genoù serret – setu –
Setu o tont un naer flemmet
O c’hwibanat, ’stlejas e-maez
Hag he flemmas hag he mougas.

Hag he lezvab e-maez raktal – ha kuit –
Ha kuit ’trezek ar broioù all ;
Hag eñ war zouar ha war vor,
O klask keloù deus Azenor.

Klasket en doa war-zu sav-heol – e c’hwreg –
Klasket en doa war-zu c’huzh-heol ;
Klasket en doa war-zu c’hreisteiz,
Er c’holern* ivez he c’hlaske.     [er c’hwalarn] 

Pa zouare en enez vras – war-dro –
Ur paotrig eno war an traezh,
Hag eñ o c’hoari ’tal ar red,
O tastum kregin ’n e roched.

Melen e vlev, glas e lagad – glas-mor –
Heñvel ouzh Azenor, avat ;
Ken a lak kalon mab a Vreizh
Da huanadañ en e greiz.

– Piv eo da dad, va bugel-me – piv eo ? –
– N’am eus hini nemet Doue ;
Kollet tri bloaz zo neb a oe ;
Va mamm a ouel o koun da se. –

– Na piv da vamm, na pelec’h eo ? – mabig –
– Kannerez, aotroù, ’n hini eo,
’Mañ hi du-se gant an doalioù. –
– Na deomp-ni d’he c’havout hon daou. –

Ha da beg e dorn ar bugel – a-raok –
Hag i da zont trem’ ar stivell ;
Hag o tont e verve ar gwad,
E dorn ar mab ouzh dorn an tad.

– Va mammig kaezh, sav alese – ha sell –
Setu va zad ! azkavet eo !
Setu va zad a oa kollet ;
Ra vezo Doue kanmeulet !

Kanmeulet ganto oe Doue – ken mat –
A sach* an tad d’ar vugale ;    [evit zas ?] 
Distroiñ ’reont laouen da Vreizh.
Bennozh an Dreinded gant an treizh !