daskor - facebook  daskor - css

Daskor

Paotred Plouie (1)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

I

Mallozh d’an heol, mallozh d’al loar,
Mallozh d’ar glizh a gouezh d’an douar !

Mallozh d’an douar, d’an douar Plouie[ou]
A zo kiriek da wall-strivoù,

A zo da wall strivoù kiriek
’Tre an aotroù hag an tieg ;

A lak ar strafuilh war ar maez,
A lak meur a hini diaes,

Meur a zivab, hag intañvez,
Meur a vinour ha minourez,

Meur a grouadur war an hentoù
Gant o mamm, o skuilhañ daeroù.

Mallozh ruz d’an dudjentil kêr
A ra bec’h war al labourer ;

Tudjentil nev’, rederien gall,
Ganet e skorn ur park banal ;

Pere na sell ket mui ouzh Breizh
’Get ouzh koulm naer deut en he neizh.