daskor - facebook  daskor - css

Daskor

Lez-Breizh – ar Roue

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    IV

An aotroù Lez-Breizh, un deiz a oe,
A yae en arbenn d’ar roue ;

En arbenn d’ar roue d’an emgann,
Pemp mil marc’heg mat a-du gantañ ;

Hag endra ma oa o kimiadañ,
Tan an taran, tan ar foeltrusañ !

Hag e floc’h klouar ’dal’ m’arvestas,
Prederiañ en droug* a reas    [LV augura mal] 

– En an’ Doue ! mestr, chomit er gêr ;
Ur gwall zevezh hiriv a givjer !

– Chom er gêr, va floc’h, ne c’hallan ket,
P’am eus lâret mont, ’renkan monet !

Ha monet a rin tra vo buhez,
Buhez enaouet e-barzh am c’hreiz,

Ken a zalc’hin kalon roue ’n Argoad
Etre an douar ha sol va zroad. –

C’hoar Lez-Breizh, kerkent ha m’her gwelas,
Gant kabestr marc’h he breur a sailhas :

– Va breur, va breur ker, ma em c’haret*,    [c’harit] 
D’an emgann hiriv na eot ket ;

Nemet d’ar marv na afec’h se !
Ha petra ’vo a’nomp goude-se ?

Morvarc’h gwenn war an aod a welan ;
Un naer vras divent en-dro dezhañ ;

En-dro d’e ziv’sker ’dreñv daou skoulm* gwall,    [LV anneaux] 
Hag en-dro d’e vou’elloù* tri skoulm all,    [LV flancs] 

Daou en-dro d’e ziv’sker ha d’e c’hoûg ;
’Hed e vrusk ’em stlej, her gor, her moug.

Ken a sav war e dreid ar marc’h kaezh,
Hag a-dreuz, e tant c’hig ar gouez* ;    [LV il mord la gorge du monstre] 

I a vadailh*, a dreflemm* ruz gwad,    [vazailh, LV agite son triple dard] 
Ha dibunañ ’ra o c’hwibanat ;

Ken a glev e naered*, hag e lamm :    [LV ses petits] 
Tec’h kuit, dispar, unik ! tec’h dinamm !

– Bez a C’hallaoued pezh a garo* !    [LV par milliers] 
Me na dec’han ket ’raok ar marv ! –

Ne oa ket peurlavaret e c’her,
Ha pa oa pellik, pell eus ar gêr.