Lez-Breizh – Morian ar roue (1)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    I

Roue ar C’hallaoued ’lavare
Da aotrounez e lez, ur mare :

– Hennezh a aotreo din gwir feiz
A zeuio a-benn eveus Lez-Breizh.

C’hoari enep din-me, na ra ken,
Kenkoulz ha lazhañ va marc’heien. –

Morian ar roue ’dal’ m’e glevas
Dirak tal ar roue a savas :

– Aotren, aotroù, a ris deoc’h gwir feiz,
Ha testoù a brofis alies ;

Hogen pa vennit, hiriv an deiz,
Test a brofin c’hoazh marc’heg Lez-Breizh.

Ma na gasan deoc’h warc’hoazh e benn,
Da eo din kas ma hini laouen. –