Lez-Breizh – ar C’himiad (2)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    II

Hag ar paotr d’ar gêr en ur redek :
Ha war varlenn e vamm, ha prezeg :

– Ma mammig, ma mamm, na ouzoc’h ket ?
Biskoazh tra ken brav n’am boa gwelet ;

Biskoazh netra ken brav na welis
Hag am eus gwelet hiriv an deiz :

Bravoc’h den hag an aotroù Mikael
A zo en hon iliz, an arc’hael !

– N’eus den, ma mab, bra’oc’h* koulskoude,    [bravoc’h] 
Bravoc’h evit aelez hon Doue.

Salv ho kras, ma mamm, gwelet a reer ;
Marc’heien, emaint-i, o anver ;

Ha me a fell din monet ganto,
Ha monet da varc’heg evelto. –

An itron gaezh, evel pa glevas,
Teir gwech d’an douar a fatigas*.    [LV tomba sans connaissance] 

Ha paotr Lez-Breizh, hep sellet a-dre*,    [a-dreñv] 
E-barzh ar marchosi a eas tre,

Hag ur c’hozh inkane a gavas,
Ha prim war e c’horre a bignas ;

Hag eñ kuit da heul ar marc’heg ken* ;    [LV beau] 
Kuit, ha timat, hep kimiadañ den ;

Da heul ar marc’heg ken da Gemper ;
Ha kuitaat a eure ar maner.