Jenovefa Rustefan (2)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    II

Bravañ merc’hed a voa er vro-se,
Merc’hed aotroù ar Fav a-neuze ;

Bravañ merc’hed a save o fenn,
’Voa merc’hed ar Fav, war an dachenn.

I a daole sked dreist ar merc’hed,
Evel ma ra ’l loar dreist ar stered.

Ha gante pep a inkane gwenn,
O tont d’ar pardon da Bont-Aven ;

O tont d’ar pardon da Bont-Aven,
A grene an douar hag ar vein ;

Gante pep a vrozh c’hlas a seienn,
Ha karkanioù aour war o c’herc’henn.

Ar yaouankañ, hounnezh ar bravañ ;
Yannig Kervlez a gar, a glevan.

– Pevar mignon kloareg am eus bet,
Hag o fevar emañ ’int beleget,

Yannig ar Flecher, an diwezhañ,
A laka va c’halon da rannañ. –