Janedig-Flamm (4)

Genre
Poetry
Language
Breton
Source
Paris, Didier et Cie Libraires, 1867
Notice
The spelling has been modernized, but some forms (mutations, verbal particles...) has been kept.
Transcription
Sébastien Marineau
In the same work :

Janedig-Flamm a c’hoarzhe,
’Toull he frenestr, ar mintin-se,

War ar maez p’he defe sellet,
O welet ar c’hamp distrujet,

Ha moged eus an dinelloù,
Luduet-holl e bernigoù.

Ha Janedig-Flamm a c’hoarzhe :
– Pebezh marradeg, ma Doue !

Ma Doue ! pebezh marradeg !
Evit ur greun ni hor bo dek !

Gwir a lared amzer gwechall :
« N’eus netra koulz hag eskern gall,

Koulz hag eskern Gall bruzunet,
Da lakaat da sevel an ed. » –