Gwin ar C’hallaoued (1)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

          Gwell eo gwin gwenn-barr
                    Na mouar !
          Gwell eo gwin gwenn-barr.

– Tan ! tan ! dir ! o ! dir ! tan ! tan ! dir ha tan !
Tan ! Tan ! tir ! ha tonn ! tonn ! tir ha tir ha tan !

          Gwell eo gwin nevez
                    O ! na mez* ;    [hydromel] 
          Gwell eo gwin nevez,

– Tan ! tan ! ...

          Gwell eo gwin a lufr
                    O ! na kufr* ;    [cervoise] 
          Gwell eo gwin a lufr.

– Tan ! tan ! ...

          Gwell eo gwin ar Gall
                    Nag aval ;
          Gwell eo gwin ar Gall.

– Tan ! tan ! ...

          Gall, dit, kef ha deil*,    [del] 
                    Dit, pezh teil !
          Gall, dit, kef ha deil.

– Tan ! tan ! ...

          Gwin gwenn, dit, Breton
                    A galon !
          Gwin gwenn, dit, Breton.

– Tan ! tan ! ...

          Gwin ha gwad a red
                    En gevred* ;    [kevret] 
          Gwin ha gwad a red.

– Tan ! tan ! ...

          Gwin gwenn ha gwad ruz
                    Ha gwad druz ;
          Gwin gwenn ha gwad ruz.

– Tan ! tan ! ...

          Gwad ruz ha gwin gwenn
                    Un aven !    [stêr] 
          Gwad ruz ha gwin gwenn.

– Tan ! tan ! ...

          Gwad ar C’hallaoued
                    Eo a red ;
          Gwad ar C’hallaoued.

– Tan ! tan ! ...

          Gwad ha gwin ’evis
                    Er gwall vriz ;
          Gwad ha gwin ’evis

– Tan ! tan ! ...

          Gwin ha gwad a vev
                    Neb a ev ;
          Gwin ha gwad a vev.

– Tan ! tan ! ...