Gwaz aotroù Gwesklen (4)

Rumm
Barzhoniezh
Yezh
Brezhoneg
Orin
Paris, Didier et Cie Libraires, 1867
Evezhiadenn
Reizhet hon eus an doare-skrivañ, ha dalc’het hon eus gant troiennoù orin (ar c’hemmadurioù, ar rannigoù, h.a.).
Treuzskrivañ
Sébastien Marineau
En hevelep levr :

    IV

Penn ar gêr* ’c’houlenne dimeus beg ar c’hrenal    [gouverneur] 
Gant an aotroù Gwesklen, war zigarez farsal :

– Daoust hag eñ ’maoc’h-hu deut amañ d’un abadenn,
Ha pa ’maoc’h-hu sternet, hag ho tud, evel-henn ?

– D’un abadenn ’omp deut, aotroù ar Saoz, hep gaou,
N’eo ket da gorolliñ, da son an hini eo ;

Da son ur goroll deoc’h ha n’achuo abred ;
Kerkent ha ma vimp skuizh, arnodoù an diaouled. –

A-benn ar c’hentañ stok ar voger zo pilet,
Ha tre-betek an don ar gêr he deus krenet ;

A-benn an eilvet stok, dismantret teir zour all,
Ha lazhet daou c’hant den ha mui pegement all* ;    [LV deux cent autres encore] 

A-benn an deirvet stok, zo pilet ar perzhier,
Hag ar Vretoned tre, ha kemeret ar gêr.

Diskaret eo ar gêr ; an douar kompez mat ;
Ha kanañ ’ra an den ’zo eno oc’h arat :

« Yann ar Saoz, evitañ da vezañ ganaz fall,
Na c’hounezo war Vreizh tra vezo kerreg Mal ! »