Floc’h Loeiz trizek (4)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    IV

– Yec’hed deoc’h, roue ha rouanez,
Pa ’maoc’h ho taou en ho palez.

Peseurt torfed en deus eñ graet,
Pa ’mañ bet ganeoc’h dibennet ?

– C’hoari kleze hep grad ar roue ;
Lazhañ kaerañ floc’h en devoe.

– Ar c’hleze na ziouenner ket
’Michañs, hep kaout abeg ebet.

– Abeg en deus bet, a dra sklêr,
Evel m’en deveus al lazher.

– Lazherien, aotroù, n’emaomp ket,
Na denjentil Breizh kennebet*,    [kennebeut] 

Na denjentil gwirion ebet ;
Ar C’hallaoued, ne lâran ket ;

Rak me ’oar a-walc’h, mab ar bleiz,
Gwell ganeoc’h kaout gwad eget reiñ.

– Serrit ho peg, va itron ger,
Mar peus c’hoant da zistroiñ d’ar gêr.

– Ne ran forzh chom pe mont en-dro,
O vezañ ma breur kaezh marv,

Be’añ droug gant roue a garo,
E abeg ’fell din, m’her gouio !

– Mar goût e abeg a fell deoc’h,
Selaouit ha me ’lâro deoc’h :

Mont a reas da vuanekaat,
Ha klask trouz da’m floc’h en deus great*,    [graet] 

Ha kleze ouzh kleze timat,
O klevet al lavar anat,

Al lavar kozh, ar wirionez :
« N’eus tud e Breizh, nemet moc’h gouez. »

– Mard eo hounnezh ur wirionez,
Ur wirionez all ’ouzon-me :

« Evitañ da vout roue Bro-C’hall
Ned eo Loeiz ’mat ur goapaer fall. »

Hogen prestik e weli-te,
Ma well pe wazh* e oapez-te ;    [LV à tort ou à raison] 

Pa’m bo diskou’et, ’benn ur gaouad,
Da’m broiz va lenn leun a wad,

A-benn neuze e ouezi reizh
Ma bez, e gwir, moc’h gouez, e Breizh ! –