daskor - facebook  daskor - css

Daskor

Emgann Sant Kast (2)

Genre
Poésie
Langue
Breton
Source
Paris, Didier et Cie Libraires, 1867
Remarques
Nous avons modernisé l’orthographe tout en conservant certaines tournures d'origine (mutations, particules verbales...).
Transcription
Sébastien Marineau
Dans le même ouvrage :

    II

Paotred Breizh-Izel a gane,
O tont war an dachenn, neuze :
« Neb en deus goune’et teir gwech,
A c’houne’o n’eus forzh pet gwech !

« E Kamared, en amzer-hon*    [henn] 
E oa diskennet ar Saozon ;
Bragal a raent, war ar mor,
Gant o gouelioù gwenn-kann digor ;

« Gant tennoù ’kouezhjont war an aod,
Evel ma vijent kudonod ;
Deus pevar mil e oant eno,
Na zistroas hini d’e vro.

« E Gwidel e oent diskennet,
E Gwidel e douar Gwened ;
E Gwidel ’int bet douaret,
Evel ma oent e Kamared.

« E Bro-Leon, rak Enez-c’hlas,
Gwechall, e oent diskennet c’hoazh ;
Kement a wad ’devoant laosket
Ken a oa ar mor glas ru’iet.

« N’eus, e Breizh, na bodenn, na bern
E-lec’h na gaver o eskern ;
Kon ha brini ouzh o sachat,
Glav hag avel ouzh o c’hannat. »

Archerien Bro-Saoz pa glevjont,
Gant estlamm arsav a rejont ;
Ken kaer an ton hag ar c’homzaoù*,    [c’homzoù] 
Ken e oant bamet o selaou.

– Archerien Bro-Saoz, leveret*,    [lavarit] 
Skuizh ’oc’h eta, pa ehanet ?    [ehanit] 
– Ned omp ket skuizh, pa ehanomp,
Koulz ha re-hont, Bretoned ’omp ! –

’Oa ket o c’homz peurlavaret :
– Gwerzhet ’omp ! tec’homp kuit, paotred ! –
Hag ar Saozon prim d’o listri ;
Hogen na dec’has nemet tri.